پاکستان کے ڈاک ٹکٹ

21نومبر1977ء کوحج کے موقع پر پاکستان کے محکمہ ڈاک نے65پیسے مالیت کا ایک یادگاری ڈاک ٹکٹ جاری کیا۔ اس ڈاک ٹکٹ کے درمیان میں خانہ کعبہ کی تصویر بنی تھی اور اس کے گرد دائرے میں عربی میں ’’لبیک لا شریک لک لبیک لبیک اللھم لبیک ‘‘ اور بالائی حصے میں انگریزی میں Haj 1397 A.H.کے الفاظ طبع کیے گئے تھے ۔اس ڈاک ٹکٹ کا ڈیزائن پاکستان سیکیورٹی پرنٹنگ کارپوریشن کے ڈیزائنرالیاس جیلانی نے تیا رکیا تھا۔