پاکستان کے ڈاک ٹکٹ

1975ء میں پاکستان کے محکمہ ڈاک نے تحفظ جنگلی حیات کے عنوان سے ڈاک ٹکٹوں کی ایک نئی سیریز کا آغاز کیا تھا ۔  اس سیریز  کے سولہ مختلف سیٹ  1975ء اور1991ء کے دوران جاری ہوئے۔  1992ء میں بھی یہ سلسلہ جاری رکھا گیا اور اس سلسلے کے چارڈاک ٹکٹوں کا ایک سیٹ 31دسمبر 1992ء کو جاری ہوا ۔ ان ڈاک ٹکٹوں پرچار مختلف بطخوں کی تصویریںبنی تھیں اور انگریزی میں ان کے نام MALLARD (Anas platyrhynchos)، GREY-LAG GOOSE (Anser anser)، GADWAL (Anas strepera)اور
   COMMON SHELDUCK (Tadorna tadorna) تحریر تھے۔ ان ڈاک ٹکٹوں میں سے ہر ایک کی مالیت پانچ روپے تھی اور ان کا ڈیزائن جناب عادل صلاح الدین نے تیار کیا تھا۔