پاکستان کے ڈاک ٹکٹ

21جولائی 1970ء کو پاکستان کے محکمہ ڈاک نے آرسی ڈی کے قیام کی چھٹی سالگرہ پر تین یادگاری ڈاک ٹکٹوں کا ایک سیٹ جاری کیا ۔جن پر پاکستان، ایران اور ترکی کے قدرتی منظر کی تصاویر شائع کی گئی تھیں ۔ اسی دن ایسے ہی تین تین ڈاک ٹکٹوں کے سیٹ ایران اور ترکی نے بھی جاری کیے تھے ۔ پاکستان سے جاری ہونے والے تینوںڈاک ٹکٹوں کا ڈیزائن پاکستان سیکیورٹی پیپرز کارپوریشن کی ڈیزائنر محمودہ خاتون نے تیار کیا تھا۔