1960-03-23
![](https://tareekhepakistan.com/front_assets/assets/images/view-icon.png)
![Roshan Khan](https://tareekhepakistan.com/uploads/blogs/1432259027_909.jpg)
صدارتی تمغہ برائے حسن کارکردگی۔ روشن خان
روشن خان
اسکواش کے عظیم کھلاڑی روشن خان 1927ء کو پشاور میں پیدا ہوئے تھے۔ 1954ء اور 1955ء میں وہ برٹش اوپن کے سیمی فائنل تک اور 1956ء میں فائنل تک پہنچنے میں کامیاب ہوئے مگر وہاں اپنے ہم وطن ہاشم خان کے ہاتھوں شکست کھا گئے۔ 1957ء میں ہاشم خان اور روشن خان برٹش اوپن کے فائنل میں ایک مرتبہ پھر آمنے سامنے ہوئے۔ اس مرتبہ کامیابی روشن خان کا مقدر بنی تاہم روشن خان یہ اعزاز اپنے پاس ایک ہی سال برقرار رکھ سکے۔ 23 مارچ 1960ء کو حکومت پاکستان نے انھیں صدارتی تمغہ برائے حسن کارکردگی دینے کا اعلان کیا۔
روشن خان 6جنوری2006ء کو کراچی میں وفات پا گئے اور فوجی قبرستان میں آسودئہ خاک ہوئے۔
1980ء کی دہائی میں دنیائے سکواش پر حکمرانی کرنے والے عظیم کھلاڑی جہانگیر خان، روشن خان کے فرزند ہیں۔