پاکستان کے ڈاک ٹکٹ

1984ء میں 16جون اور یکم دسمبر کے دوران پاکستان کے محکمہ ڈاک نے مختلف مالیتوں کے آٹھ عمومی ڈاک ٹکٹ جاری کیے جن پر پاکستان میں موجود معروف قلعوں کی تصاویرشائع کی گئی تھیں ۔ ان عمومی ڈاک ٹکٹوں کی مالیت 5 پیسے سے 80پیسے تک تھی ۔ تفصیلات کے مطابق5 پیسے کے ڈاک ٹکٹ پر کوٹ ڈیجی، 10 پیسے کے ڈاک ٹکٹ پرروہتاس،15 پیسے کے ڈاک ٹکٹ پر بالاحصار، 20پیسے کے ڈاک ٹکٹ پر اٹک، 50پیسے کے ڈاک ٹکٹ پر حیدرآباد، 60پیسے کے ڈاک ٹکٹ پر لاہور، 70پیسے کے ڈاک ٹکٹ پر سبی اور 80پیسے کے ڈاک ٹکٹ پر رانی کوٹ قلعے کی تصاویر… ہر ڈاک ٹکٹ پر انگریزی میں ان قلعوں کے نام شائع کیے گئے تھے ۔ان میں سے پندرہ پیسے کا ڈاک ٹکٹ سلطانہ شمیم حیدر نے جبکہ دیگر ڈاک ٹکٹوں کا ڈیزائن جبین سلطانہ نے تیار کیا تھا۔