پاکستان کے ڈاک ٹکٹ

 6ستمبر1995ء کو یوم دفاع پاکستان کے موقع پرپاکستان کے محکمہ ڈاک نے پاکستان کا سب سے بڑا عسکری اعزاز ’’نشان حیدر‘‘ حاصل کرنے والے سپوتوں کو خراج تحسین پیش کرنے کے لیے ایک نئی سیریز کا آغاز کیا تھاجسے نشان حیدر سیریز کا نام دیا گیاتھا۔
7ستمبر2003ء کویوم فضائیہ کے موقع پر اس سیریز کا مزید ایک ڈاک ٹکٹ جاری کیا گیاجس پر پاک فضائیہ سے تعلق رکھنے والے نشان حیدر حاصل کرنے والے واحد سپوت راشد منہاس شہید کا خوب صورت پورٹریٹ بنا تھا۔ نشان حیدر سیریز کے اس ڈاک ٹکٹ کا ڈیزائن معروف مصور آفتاب ظفر  نے تیار کیا تھا۔ اس کی مالیت دو روپے تھی اور اس پرا نگریزی میں NISHAN-E-HAIDER SERIES  اور  PILOT OFFICER RASHID MINHAS SHAHEED
(1951-1971) کے الفاظ تحریر تھے۔