محسن نقوی

اردو کے ممتاز شاعر اور ذاکر اہل بیت محسن نقوی کا اصل نام سید غلام عباس نقوی تھا اور وہ 5 مئی 1947ء کو محلہ سادات، ڈیرہ غازی خان میں پیدا ہوئے تھے۔ انہوں نے بہاء الدین زکریا یونیورسٹی ملتان سے اردو میں ایم اے کیااور کم و بیش اسی زمانے میں ان کی شاعری اور ذاکری کا آغاز ہوا۔
محسن نقوی کا شمار اردو کے خوش گو شعرا میں ہوتا ہے۔ ان کے شعری مجموعوں میں بندقبا، ردائے خواب، برگ صحرا، موج ادراک، ریزہ حرف، عذاب دید، طلوع اشک، رخت شب، فرات فکر، خیمہ جاں اور میرا نوحہ انہی گلیوں کی ہوا لکھے گی شامل ہے۔ حکومت پاکستان نے 23 مارچ 1994ء کو انہیں صدارتی تمغہ برائے حسن کارکردگی عطا کیا تھا۔
محسن نقوی 15 جنوری 1996ء کو لاہور میں نامعلوم قاتلوں کی گولیوں کا نشانہ بن گئے ، وہ ڈیرہ غازی خان میں آسودہ خاک ہیں۔