پاکستان کے ڈاک ٹکٹ 23مارچ2013ء کو پاکستان کے محکمہ ڈاک نے پاکستان کے عظیم اہل قلم کو خراج تحسین پیش کرنے کے لیے یادگاری ڈاک ٹکٹوں کی سیریز کا ایک ڈاک ٹکٹ نامورادیب اور سول سرونٹ قدرت اللہ شہاب کی یاد میں جاری کیا۔ اس ڈاک ٹکٹ پرقدرت اللہ شہاب کا ایک خوب صورت پورٹریٹ بنا تھا ۔ پندرہ روپے مالیت کا یہ ڈاک ٹکٹ عادل صلاح الدین نے ڈیزائن کیا تھااوراس پر انگریزی میں MEN OF LETTERS اورQUDRAT ULLAH SHAHAB 1917 1986 کے الفاظ تحریر تھے۔